હિન્દ ન્યુઝ, જામનગર
પશુપાલન શાખા, જિલ્લા પંચાયત જામનગર સંચાલિત પશુદવાખાના જામનગરની ટીમ દ્વારા દર વર્ષે વિશ્વ પ્રાણી દિવસની ઉજવણી કરવામાં આવે છે. જે અનુસંધાને આ વર્ષે પણ વિશ્વ પ્રાણી દિવસની ઉજવણી નિમિત્તે પશુ દવાખાના જામનગરની ટીમ દ્વારા તારીખ સપડા ખાતે ઊંટો માં ઝેરબાઝ (એન્ટીસરા) અને ખસ વિરોધી સારવાર માટેના કેમ્પનું આયોજન કરવામાં આવ્યું હતું. જેમાં જામનગર પશુપાલન ટીમ દ્વારા ૭૫ ઊંટ પશુઓને તેમના ઘર આંગણે જ ઝેરબાઝ અને ખસ વિરોધી સારવાર આપવામાં આવી હતી અને તમામને કૃમિનાશક દવાનું વિતરણ કરવામાં આવ્યું હતું સાથે સાથે પશુ રોગ અન્વેષણ એકમ- જામનગર દ્વારા પશુઓમાંથી બ્લડ સ્મેર, સ્કિન સ્ક્રેપિંગના વિવિધ નમુના લેવામાં આવ્યા હતા.
