હિન્દ ન્યુઝ, જામનગર
ગોકુલ નગર, ઉદ્યોગ નગર, પાણાખાણ, રડાર રોડ, સાયોના શેરી અને જકાતનાકા વિસ્તારના વાલીઓ માટે સજુબા સરકારી ગર્લ્સ હાઈસ્કૂલ દ્વારા ધોરણ 9 થી 12 માં અભ્યાસ કરતી વિદ્યાર્થીનીઓની સુવિધા માટે બસની વ્યવસ્થા કરવામાં આવેલ છે. જે વાલીઓ પોતાની દીકરીઓને સજુબા સરકારી ગર્લ્સ હાઈસ્કૂલમાં ભણાવવા માંગતા હોય અથવા હાલ અભ્યાસ કરતી હોય તેવી વિદ્યાર્થીનીઓ માટે આ સુવિધાનો લાભ લઈ શકે છે.
આ માટે વિદ્યાર્થીનીઓએ સવારે 9:30 વાગ્યે રડાર ગેટ, શાયોના શેરી, ગોરબાપા સોડાવાળા, જકાતનાકું, પાણાખાણ નાકા ખાતેના બસ સ્ટોપ ખાતે પહોંચવાનું રહેશે.
જે વાલીઓ આ સુવિધાનો લાભ લેવા ઈચ્છતા હોય અથવા પોતાની દીકરીઓને સજુબા સરકારી ગર્લ્સ હાઈસ્કૂલમાં પ્રવેશ અપાવવા માંગતા હોય, તેઓએ વધુ માહિતી માટે શાળાનો રૂબરૂ સંપર્ક કરવા શાળાના આચાર્યા દ્વારા અનુરોધ કરાયો છે.
