હિન્દ ન્યુઝ, ભાવનગર
ગુજરાત સરકારના રમતગમત, યુવા અને સાંસ્કૃતિક પ્રવૃતિઓ વિભાગ, ગાંધીનગર અંતર્ગત સ્પોર્ટ્સ ઓથોરીટી ઓફ ગુજરાત ગાંધીનગર દ્વારા આયોજિત જિલ્લા રમતગમત અધિકારી અને જિલ્લા રમત વિકાસ અધિકારી દ્વારા સંચાલિત ખેલ મહાકુંભ 3.0 અંતર્ગત રાજ્યકક્ષાની સ્વિમિંગ અં. ૧૧, અં. ૧૪ અને અં. ૧૭ભાઈઓ તથા બહેનોની સ્પર્ધાનું આયોજન સરદાર પટેલ રમત સંકૂલ, સિદસર રોડ, ભાવનગર ખાતે તા. ૨૩-૦૪-૨૦૨૫ થી ૨૮-૦૪-૨૦૨૫ દરમ્યાન થનાર છે.
અં.૧૧ વયજુથના ભાઈઓ અને બહેનો, અં.૧૪ વયજુથના બહેનો અને અં.૧૭ વયજુથના બહેનો માટે રિપોર્ટિંગ તા. ૨૩-૦૪-૨૦૨૫ ના રોજ બપોરે ૪ કલાકથી ૮ કલાક સુધીનો રહેશે. તા. ૨૪-૦૪-૨૦૨૫ થી સ્પર્ધા યોજાશે.
અં.૧૪ વયજુથના ભાઈઓ અને અં.૧૭ વયજુથના ભાઈઓ માટે રિપોર્ટિંગ તા. ૨૫-૦૪-૨૦૨૫ ના રોજ બપોરે ૪ કલાકથી ૮ કલાક સુધીનો રહેશે. તા. ૨૬-૦૪-૨૦૨૫ થી સ્પર્ધા યોજાશે.
આ અંગે જિલ્લાનું ઓનલાઇન રજીસ્ટ્રેશન તા. ૨૦-૦૪-૨૫ સુધીમાં dso-sycd-bvncity@gujarat.gov.in ઈમેલ પર અચૂક મોકલી આપવાની રહેશે.
તમામ વયજુથ માટે રિપોર્ટિંગ કરવા માટેનું સ્થળ તથા સ્પર્ધાનું સ્થળ સરદાર પટેલ રમત સંકુલ, જિલ્લા રમત પ્રશિક્ષણ કેન્દ્ર, સ્પોર્ટ્સ કોમ્પ્લેક્ષ,સિદસર રોડ, ભાવનગર રહેશે. સ્પર્ધા અંગેની ખાસ સૂચનાઓ ધ્યાનમાં લેવી જરૂરી છે તેમ જિલ્લા રમત વિકાસ અધિકારીશ્રીની યાદીમાં જણાવેલ છે.
